საქართველოს მეფეები და პატრიარქები

წიგნში გამოკვლეულია შუა საუკუნეების საქართველოს ორი უმაღლესი რანგის მოღვაწის – მეფისა და პატრიარქის ურთიერთობა; მეფისა და სამეფო ხელისუფლების მდგომარეობა; პატრიარქის ინსტიტუტთან დაკავშირებული საკითხები, მისი განვითარება და პრობლემები. ინსტიტუტები წარმოჩენილია ისტორიის სხვადასხვა მონაკვეთში, სინქრონულად, რაც მკითხველისთვის აადვილებს კონკრეტული ისტორიული მომენტის გააზრებას – თუ რომელი მეფის ზეობას რომელი პატრიარქების მღვდელმთავრობა ემთხვეოდა.

 

წიგნში მოცემულია რიტუალები, რომლებიც უშუალოდაა დაკავშირებული მეფისა და პატრიარქის კურთხევასთან. დანართის სახით მოტანილია „კურთხევა მირონისა“, „განგება დარბაზობისა“, „წესი და განგება მეფედ კურთხევისა“ ორიგინალი ხელნაწერის შესაბამისი გვერდების ფოტოებითურთ. გამოკვლევას ერთვის მეფეებისა და პატრიარქების ილუსტრაციებიც.