წერილები „ოსმალოს საქართველოზე“

XVI საუკუნის მეორე ნახევარში ოსმალეთის იმპერიამ საქართველოს ჩამოაცილა მისი ერთ-ერთი კუთხე – მესხეთი და მისი პროვინციები: ტაო, კლარჯეთი, კოლა, არტაანი, სამცხე, ჯავახეთი, ერუშეთი, შავშეთ-იმერხევი, ბასიანი, სპერი, აჭარა, ჭანეთი. ერთ-ერთი გამორჩეული მოღვაწე, რომელმაც „ოსმალოს საქართველოს“ თემატიკას არაერთი პუბლიკაცია მიუძღვნა, იყო სოლომონ ასლანიშვილი „ბავრელი“. ამ უკანასკნელმა თითქმის ნახევარსაუკუნოვანი მოღვაწეობის შედეგად უმდიდრესი მემკვიდრეობა დაგვიტოვა და მნიშვნელოვანი წვლილი შეიტანა მესხეთის, ქართველი მუსლიმანების ისტორიის შესწავლის საქმეში.

 

წიგნში შესულია ცნობები სოლომონ ბავრელის ცხოვრება- მოღვაწეობის შესახებ. ასევე ქართულ პერიოდულ პრესაში დაბეჭდილი მისი სტატიები და ხელნაწერთა ეროვნულ ცენტრში დაცული პირადი არქივი, სადაც ქართულ პერიოდიკაში გამოქვეყნებულ ორიგინალებთან ერთად ინახება დღემდე გამოუქვეყნებელი რამდენიმე წერილი.