ქართველთათვის

სომხურიდან თარგმნა და გამოკვლევები დაურთო ნათია ჩანტლაძემ

 

XII-XIII საუკუნეების ცნობილი მოღვაწის – მხითარ გოშის ტრაქტატი „ქართველთათვის“ საინტერესო ლიტერატურული და საისტორიო ძეგლია და მრავალმხრივაა საყურადღებო. ეს საღვთისმეტყველო ხასიათის ნაწარმოებია. მასში მდიდარი მასალაა მოცემული აღმოსავლური ქრისტიანული ეკლესიის ისტორიის შესწავლისათვის. ამასთანავე, ეს თხზულება მჭიდროდ უკავშირდება XII-XIII საუკუნეების მიჯნაზე საქართველოსა და სომხეთს შორის მიმდინარე რთულ პოლიტიკურ პროცესებს, რომელთა თვითმხილველიცა და უშუალო მონაწილეც იყო ამ ტრაქტატის ავტორი – მხითარ გოში.