ჩვენ, ვეფხისტყაოსნები

დიანა ანფიმიადის „ჩვენ, ვეფხისტყაოსნები“ არის კრებული, რომელიც „ვეფხისტყაოსნის“ სხვადასხვა საუკუნის ხელნაწერებში შემონახული მინაწერების, ჩასწორებებისა და შენიშვნების მიხედვით შეიქმნა და უამრავ საინტერესო და გამაოგნებელ ამბავს აერთიანებს. გამოცემა იმ მკითხველებისთვისაა, რომელთათვისაც წიგნის კითხვა არა მხოლოდ გართობის, არამედ შემეცნებისა და აღმოჩენების პირველწყაროა. ავტორს სჯერა, რომ წიგნში მონათხრობი წერტილის დასმისას არ სრულდება. პირიქით, სწორედ მაშინ იწყება ნამდვილი ამბავი, რომელიც კვალდაკვალ მიჰყვება ადამიანს, ცვლის მის ბედს და ყოველდღიურ ცხოვრებას.