გრიგოლ რობაქიძე

(1882-1962)  

 

ქართველი მწერალი, პუბლიცისტი, საზოგადო მოღვაწე, თანამედროვე ქართული ფსიქოლოგიური რომანის ერთ-ერთი ფუძემდებელი.

 

ქუთაისის გიმნაზიის დასრულების შემდეგ ჯერ ტარტუს უნივერსიტეტში სწავლობდა, შემდეგ კი ფილოსოფიის დოქტორის ხარისხით დაასრულა ლაიფციგის უნივერსიტეტი. გერმანიიდან დაბრუნების შემდეგ გახდა ქართველ სიმბოლისტთა ერთ-ერთი გამორჩეული ლიდერი და „ცისფერყანწელების“ ერთ-ერთი დამფუძნებელი. გასაბჭოების შემდეგ ჩაება საქართველოს ეროვნულ-განმათავისუფლებელ მოძრაობაში, რის გამოც 1931 წლიდან გარდაცვალებამდე იყო პოლიტიკური ემიგრანტი: 1946 წლამდე ცხოვრობდა და მოღვაწეობდა გერმანიაში, ხოლო 1946 წლიდან – შვეიცარიაში.

 

„არტანუჯმა“ სერიაში „უცნობი გრიგოლ რობაქიძე“თარგმნა და გამოსცა სხვადასხვა ჟანრის წიგნები: „Pro Domo Sua”, „დემონი და მითოსი“, „კავკასიური ნოველები“, „მეგი – ქართველი გოგონა“, „მუსოლინი“, „მცველნი გრალისა“, „პირადი მიმოწერა“, „პორტრეტები“, „ქალღმერთის ძახილი“, „ჰიტლერი“, „3 რომანი“, „ომი და კულტურა“, „ლენინი, სტალინი, ჰიტლერი“ და „წერილები სტეფან ცვაიგს“.