ასფურცელა

ასფურცელა მქვია. დედამ ასი დღე ჭამა ჯადოსნური ვაშლი და ასე გავჩნდი ამქვეყნად. თავი დედისერთა მეგონა, მაგრამ თურმე და-ძმები მყოლია. ისინი დევს დაუტყვევებია, რაღა დამრჩენოდა, უნდა გამომეხსნა და დევის სასახლისკენ გავეშურე.

 

გამიგია, ხუთკუნჭულასა და ნაცარქექიას ცხრათავიანი დევები დაუმარცხებიათ, მაგრამ ჩემი მტერი კიდევ უფრო საშიში, ასთავიანი დევი იყო. მეტი გონიერება, მოხერხება და ღონე მჭირდებოდა, მაგრამ განა ჩემნაირი უშიშარი და გაბედული მეორე დადის ამქვეყნად?!

 

ნეტავ, რა ბედი ეწია ასთავიან დევს?