23 აპრილს წიგნის საერთაშორისო დღეა! - სწორედ ამ თარიღის აღსანიშნავად, 19 აპრილს თბილისის მეტროპოლიტენის საბურთალოს ხაზის პირველ მგზავრებს სავარძლებზე საჩუქრად წიგნები დახვდათ, დღეს დღეს უკვე ამ საჩუქრებმა ავტობუსებში გადმოინაცვლა, სასაჩუქრე შეფუთვაში განთავსებული იყო გამომცემლობა „არტანუჯისა“ და „ინტელექტის“ წიგნები, ელექტრონული წიგნების სახლის – „საბა“ – 5 ელექტრონული და ხმოვანი წიგნის სასაჩუქრე ბარათი და მოსაწვევი 23 აპრილს, წიგნის საერთაშორისო დღის სპეციალური ღონისძიებაზე, რომელიც მთაწმინდის პანთეონში გაიმართება.
თბილისში დაგეგმილ სხვადასხვა ღონისძიებებთან ერთად, მთაწმინდაზე, მამა დავითის პანთეონში იგეგმება წიგნებისგამოფენა-გაყიდვა, სპეციალური ფასდაკლებები და 6 საჯარო ლექცია.
ლექციების განრიგი
16:00 – რატი ამაღლობელი გალაკტიონ ტაბიძის შესახებ
16:30 – გიორგი კეკელიძე აკაკი წერეთლის შესახებ
17:00 – ლევან ბერძენიშვილი მიხეილ ჯავახიშვილის შესახებ
17:30 – დათო ტურაშვილი ბაჩანა ბრეგვაძის შესახებ
18:00 – სანდრო ლორთქიფანიძე ნიკოლოზ ბარათაშვილის შესახებ
18:30 – ეთერ თათარაიძე ვაჟა-ფშაველას შესახებ
სპეციალურად ამ დღისთვის, 15:30 და 16:30 საათზე თავისუფლების მოედნიდან მთაწმინდამდე უფასო ავტობუსები იმოძრავებს, პანთეონში მისულ მსმენელებს კი თანამედროვე ქართველი ავტორები და ლიტერატორები დახვდებიან.
