სულხან-საბა ორბელიანი
12 ილუსტრირებული არაკი

„არტანუჯის“ ღია ბარათებმა უკვე სასწავლო და საილუსტრაციო ხასიათი შეიძინა.

კრებულში შესული იური სტამატელის გრაფიკული ნამუშევრები აცოცხლებენ სულხან-საბას ისეთ ცნობილ არაკებს, როგორებიცაა „სამი ყრუ და ყადი“, „კატა და ლომი“, „ქურდი მკერვალი“, „კაცი და გველი“ და ა. შ. და სულ სხვა ხალისით აკითხებენ ლიტერატურულ შედევრებს როგორც უფროსებს, ისე მათ პატარებს.

ფასი: 7 ლარი

ხატოვან აზრთა კრებული
(შეარჩია და თარგმნა ბაჩანა ბრეგვაძემ)

ფასი: 10 ლარი

დიდი მოაზროვნეების, მწერლების, რელიგიური და პოლიტიკური მოღვაწეების ფრთიანი გამონათქვამები – ორიგინალიდან თარგმნილი და ანბანურად დალაგებული. ძველი წელთაღრიცხვის ფილოსოფოსებიდან უახლესი ლიტერატურის თვალსაჩინო სახელებამდე. მარკუს ავრელიუსი, ალბერტ აინშტაინი, ხორხე ლუის ბორხესი, ბერტოლდ ბრეხტი, თეოდორ დოსტოევსკი, მაჰათმა განდი, ჯორდანო ბრუნო, პეტრე კაპიცა, ეჟენ იონესკო, ჯონ კენედი, რიუნოსკე აკუტაგავა, მიგელ დე უნამუნო, სტენდალი, გუსტავ ფლობერი, ართურ შოპენჰაუერი, ვიქტორ ჰიუგო... 200 ავტორის 3000-მდე რჩეული გამონათქვამი ერთ წიგნად

რამონ დელ ვალიე-ინკლანი

"ტირანი ბანდერასი"

ფასი: 6 ლარი

დიდი ესპანელი მწერლის – რამონ დელ ვალიე-ინკლანის (1866-1936) რომანი-პამფლეტი "ტირანი ბანდერასი" გროტესკული და ჰიპერბოლურია, ნიღბების კომედიის ელემენტებით. ხშირად ირღვევა სინტაქსიც. რომანში მოქმედება გამოგონილ ქვეყანაში – სანტაფე დელ ფირმეში ხდება. ზოგიერთი კრიტიკოსის აზრით აქ მწერალი პორფირიო დიასის პერიოდის მექსიკას გულისხმობდა. მაგრამ მხატვრული და ისტორიული უტყუარობით ნაწარმოები ისეთ მასშტაბს იძენს, რომ ირღვევა პოლიტიკურ-გეოგრაფიული საზღვრები და წარმოგვიდგება ევროპისა თუ აზიის ყველა დიქტატორი ერთად, რომლებიც თავიანთი დიქტატორული უფლებების განხორციელების ვარიაციებისა და მეთოდების მიუხედავად, საოცრად ჰგვანან ერთმანეთს. ესპანურიდან თარგმნა მერი ტიტვინიძემ. "ტირანი ბანდერასი" დღეიდან 29 მაისის ჩათვლით მოიკითხეთ წიგნის ფესტივალზე. შემდეგ კი წიგნის მაღაზიებში

ქართული დიპლომატია
#14

572 გვ., მაგარი გარეკანი, ISSN 1521-1518

ფასი: 12 ლარი

სამეცნიერო კრებულში გამოქვეყნებული ნაშრომები ეხება საქართველოსა და სხვა ქვეყნების საერთაშორისო დიპლომატიურ ურთიერთობებს ძველ და თანამედროვე პერიოდებში, საერთაშორისო ურთიერთობათა თეორიულ საკითხებსა და სხვა აქტუალურ პრობლემატიკას. სტატიები წიგნში წარმოდგენილია შემდეგი რუბრიკების მიხედვით: I. ქართული დიპლომატიის ისტორია; II. მსოფლიო დიპლომატიის ისტორია; III. წყაროთმცოდნეობა და ისტორიოგრაფია. კრებულში სულ შესულია 31 სამეცნიერო აპარატით გამართული გამოკვლევა-სტატია, რომელთაც ბოლოში დართული აქვს ინგლისურენოვანი რეზიუმე.

ვარდები მარგარიტასთვის
გასტონ ბუაჩიძე

60 გვ., ISBN 978-9941-421-24-2

ფასი: 3 ლარი

თბილისში, "Belle Vue-ს ("ლამაზი ხედის") თეატრში, მხატვარმა ფიროსმანმა ნახა და შეიყვარა ფრანგი მომღერალი მარგარიტა. ქალი გაქრა, რომ მრავალი წლის შემდეგ, ცხოვრების მიმწუხრისას, ისევ გამოჩენილიყო თავისი პორტრეტის გვერდით, ამოეკითხა მისი იდუმალი ნიშნები და მას შერწყმოდა.